Frábær sigur úti í fyrri leik 8-liða úrslita í 4.deild í dag. Léttir hafði verið á miklu "run-i" og komið sér í 2. sæti að undanförnu, m.a. með jafntefli við ,,ofurlið" KFG. Við tókum strax yfirhöndina á 5 manna vörn Léttis og ljóst var fljótlega, að þeir spiluðu a.ö.l. nákvæmnlega eins og við bjuggumst við. Við fengum hvert hornið af fætur öðru, en skallar Venna rötuðu ekki rétta leið og um miðjan f.h. varð Fannar að taka á honum stóra sínum eftir skalla af stuttu færi. Stuttu seinna skallaði Gauti framhjá úr dauðafæri.
Ég fór mjög sáttur inn í hléi og við fórum yfir nokkur smáatriði, sem við gætum lagað. Það gekk allt eftir, mikil einbeiting í s.h. og smám saman lönduðum við laxinum, fyrst skoraði Gaui með skalla af stuttu færi eftir sendingu Gauta eftir snilldarsendingu Venna og síðan skoraði Venni sjálfur í bláhornið eftir snilldareinleik opg sendingu Gauta. Einbeittir varamenn kláruðu svo leikinn fyrir þreytta og hálfmeidda menn, það voru úrvinda félagar í bílnum á leið í Herjólf, svona á þetta að vera.
Fannar 10, frábær; Hilmar 10 líka(Andri 9, mun sterkari en síðast), Jónas 10, Smári 11(Jói 9), Einar 10(Auðunn 7); Ingó 8, en frábært að hafa hann samt, fékk lítið boltann, Rooney 10, enn stórleikur, Gaui 10, dælir inn mörkum, Tryggvi 9, harkaði einu sinni enn af sér hálfmeiddur; Venni 11(Aron 9), lyftir félaginu um einn klassa, og Gauti 10, rosalega duglegur.
Síðari hálfleikur á þriðjudag, fínt að fara inn í seinni hálfleik með 2:0, verður langur hálfleikur, þetta er alls ekki búið.
Takk fyrir snilldarleik, frábær liðsheild og nokkrar sendingar Venna voru í landsliðsklassa, líka markið hans.
Lítur út fyrir talsverða styrkingu á hópnum fyrir seinni leikinn, menn verða samt að gefa allt í þann mikilvæga leik.