7/12: Enduðum neðstir í A-riðli ÍM í Futsal 2015, í Fylkishöll. Töpuðum fyrir Örnum 7:5, eftir að hafa jafnað í 5:5, eftir 5:0 forskot Arnarins á fyrstu 15 mín.(af 2x20), sem voru alger martröð nýs liðs KFS. Eftir það voru hlutirnir eðlilegir, þótt við héldum áfram að gefa klaufaleg mörk, gegn Fylki. Töpuðum 4:1 fyrir þeim og urðum því neðstir með 3 stig í 4 leikjum. Þakka mönnum fyrir að klára þetta mót, það tókst ekki síðast, en uppskeran var rýr, enda ekki margir, sem gáfu kost á sér í bæði mótin.
Guðjón Ólafsson var markahæstur með 2 mörk, ásamt Bjarna Rúnari Einarssyni, Einar K. Kárason og Þorleifur Sigurlásson gerðu hin mörkin. Fannar var í markinu, aðrir voru Hafsteinn Oddsson, Jónas Bergsteinsson, Pétur Geir Svavarsson og Ásgeir Ingimarsson.