Mættum nokkuð öflugu liði KH á gervigrasinu á Hlíðarenda.

Liðið: Jón Helgi stóð vaktina vel í markinu og hélt uppá afmælið sitt með því að fórna sér í verkefnið með miklum sóma.

Jónas og Kjartan voru frábærir í miðverðinum.

Pétur Run og Einar Kr. voru einnig virkilega öflugir í bakvörðunum, það dróg svo af þeim þegar leið á leikinn líkt og öðrum. Einar fór útaf meiddur og Pétur fór í holuna og skilaði sínu þar.

Egill og Ingó voru frábærir á miðjunni, skoruðu báðir mörk sem sungu í samúel. Ingó kom okkur á bragðið með frábæru marki. En Egill skoraði sigurmarkið beint úr aukaspyrnu.

Frikki og Gunnar Páll voru virkilega sprækir og beittir, Gunnar Páll skoraði gott mark og nældi einnig í aukaspyrnuna sem Egill skoraði úr og rautt á markmann þeirra, það dróg svo af Frikka enda fyrsti leikurinn hans eftir erfið meiðsli.

Pétur Geir nældi í víti og sýndi klókindi líkt og venjulega. Siggi Benónýs var frábær í sókninni, líklega eini maðurinn í liðinu sem var með bensín í 90 min+ og það skilaði sér í þriðja markinu okkar þegar hann spólaði sig í gegnum vörn KH og laði hann snyrtilega fyrir á Gunnar Pál sem kláraði vel.

Virkilega gott að hafa Geira og Andra Ey sem komu inn af krafti þegar menn voru orðnir meiddir og þreyttir. Það hefði samt hjálpað mikið að hafa fleiri varamenn, en líkt og svo oft áður duttu fjórir út rétt fyrir leik.

En þessi sigur er eitthvað til að byggja á og næsta verkefni er gegn Stokkseyri á fimmtudag (Skírdag) á Selfossi kl. 1400. Þar þurfum við að safna liði og sækja þrjú stig.