Tryggvi Guðmundsson hefur gengið til liðs við KFS í Vestmannaeyjum á nýjan leik en hann ætlar að leika með liðinu í 3. deildinni í sumar.
Tryggvi spilaði með KFS sumarið 2014 og fyrri hluta síðasta tímabils áður en hann gekk í raðir Njarðvík.
Hjá Njarðvík skoraði Tryggvi þrjú mörk og sló um leið met yfir flest mörk í deildarkeppni hjá Íslendingi.
Tryggvi skoraði þá 218. mark sitt í deildarkeppnum á Íslandi, Noregi og Svíþjóð og er hann með marki meira en Vilberg Marinó Jónasson sem skoraði 217 mörk á ferli sínum.
Hinn 41 árs gamli Tryggvi stefnir síðan á að skora fleiri mörk í sumar og bæta metið ennþá frekar.
Frétt frá Fótbolta.net. Sjá alla fréttina: http://www.fotbolti.net/news/24-02-2016/tryggvi-gudmunds-i-kfs-stadfest#ixzz415KHQbwF

Bjóðum Tryggva hjartanlega velkominn til baka, hann hefur stýrt útstöðinni okkar í Rvk. í vetur og auglýst félagið hægri vinstri í fjölmiðlum á jákvæðan hátt. Við erum honum mjög þakklátir fyrir það. Hann átti drjúgan þátt í að koma okkur upp úr 4. deild í hitteðfyrra og stóð vel fyrir sínu í fyrra, áður en hann flutti sig um set til að bjarga Njarðvík frá falli úr 2. deild.