5. Menn detta ekki í það viku fyrir leik og smakka ekki áfengi daginn fyrir leik.
7. Menn sitja jákvæðir á varamannabekknum og hvetja félaga sína. Óánægju með val má ræða lauslega við þjálfarann, en ítarlega daginn eftir.
8. Menn, sem teknir eru út af heilsa varamanni sínum eða snerta hann til marks um viðurkenningu á hans framlagi.
9. Menn sparka ekki í hluti við útafskiptingar.
11. Menn sitja á varamannaskýli það sem eftir er leiks, eftir að hafa verið teknir út af, hvetja samherja sína og fara með liðinu í búningsklefa eftir leik til að skila búningi, nema vinna krefji annars. Þá tilkynna menn þjálfara það. Menn eiga ekki samskipti við aðra en liðið, þjálfara, meðan á leik stendur, nema aðstæður krefji/leyfi.
13. Menn borga félagsgjöld innan viku frá tilkynningu um ógoldin gjöld.
14. Menn biðja þjálfarann um skýringar, frekar en að gagnrýna hann, bæði inn á við og út á við.
15. (Endurtekin/gróf) brot á ofanverðu geta varðað (strangri) refsingu, allt að brottvikningu úr félaginu. Þjálfarinn ákveður einfaldari refsingar, stjórnin við endurteknum brotum.

Vestmannaeyjum, 19. júlí 2009

Nýbúið er að kynna þessar reglur hér til upprifjunar. Flestar af ofannefndum voru brotnar í dag og sátum/stóðum við 14 eftir þrumu lostnir eftir framkomu 2 leikmanna okkar í dag við eina skiptinguna. Menn voru mjög reiðiir þessum félögum eftir leikinn og ekki hefur heyrst í þeim, a.m.k. ekki ég. Þetta drap endanlega þennan dapra leik, þar sem við áttum að klára hann í fyrri leik, en skölluðum í slá og stöng, skutum framhjá fyrir opnu marki og klúðruðum dauðafæri. Enginn/fáir framan varnar vildi svo verjast í dag almennilega og þá er ekki að sökum að spyrja, einum fleiri töpuðum við s.h. 4:1. Toni, Guðjón(v) og Stefán Björn gerðu mörkin, en tapið var ekki verst í dag, heldur hegðun þessara manna. Maður fór mjög dapur og leiður í Herjólf í kvöld, það átti við félaga mína á leiðinni líka og þó nokkrir hafa tjáð sig við mig eftir leik. Agareglurnar að ofan voru búinar til í fyrra eftir svipaða uppákomu, þar sem aðrir varamenn fengu að kenna á því, en f.o.f. er þetta móðgun við þá, sem koma inn á og þjálfarann. Þó nokkuð margir hafa tjáð sig alveg sammála þessum skiptingum, enginn ósammála, en það er ekki aðalatriðið, heldur sá skítamórall, sem sýndur var í dag.
Annar leikurinn í röð, þar sem ég sé nokkra leikmenn hálflamaða á gervigrasi, en við í Eyjum verðum samkeppnishæfari á næsta ári. :jóðhátíðin sat enn í a.m.k. einum leikmanni og einn var greinilega veikur. Þakka 14 fyrir drengilegan leik í dag, reyndar missti markmaðurinn okkar sig illa á vondu augnabliki, en bað afsökurnar á því, dómurunum fyrir góða dómgæslu og andstæðingunum óska ég til hamingju með sigurinn, þeir voru mikið skynsamari en við inni á vellinum.
Æfing á mánudag, verðum að byrja upp á nýtt og bæta okkur, þetta er ekki búið. Þeir, sem skulda félagsgjöldin, geta borgað strax og lagað a.m.k. einn hlut í ofannefndum brotum.

Eintómar er skrýtið orðaval, aldeilis búinn að nefna nokkrar lykilástæður í viðbót, agabrot/skítamóral, lélegan varnarleik, skort á skynsemi, Þjóðhátíð, veikindi o.s.frv. Get bætt því við að okkar aðalmarkmaður var að spila með 2. flokki í gær og hinn nýfarinn til ÍBV. Þótt sá, sem mætti gerði sitt besta, er hann ekki markmaður, en gerir sitt besta, og það dugði ekki í gær. Misstum einn besta varnarmanninn líka í 2. flokksleikinn í gær. Fyrirliðinn okkar og leikstjórnandi, Bjarni Rúnar, komst ekki heldur í leikinn vegna vinnu. Það vantaði því stóra pósta í gær, greinilega nógu stóra pósta til að vera drullulélegir. Loks fóru menn ekki eftir þvi, sem upp var lagt fyrir leikinn og voru illa einbeittir á fundi fyrir leikinn. Líklega vanmetið andstæðingana. Spiluðum eðlilega í 15 mínútur í þessum leik, það var allt og sumt. Ætti að vita manna best hvenær liðsmenn K. F. S. spila undir getu, það gerðu þeir í gær, LANGT UNDIR GETU. Margra ára reynsla sýnt mér að við erum samkeppnishæfir á gervigrasi fyrri hluta ÍM, stuttu eftir deildabikarinn, en töpum venjulega í seinni hlutanum. Er með leikmenn, sem neita að spila á gervigrasi, margir hinna fussa yfir því og gervigrasið í gær var það lélegasta í ár, ásamt Leiknisvellinum. Afríka er þar að auki ekki samkeppnishæf skv. töflunni og lítið afrek að vinna þar.
Í Vestmannaeyjum er enn ekki hægt að æfa á gervigrasi og viðbrigðin því mikil seinni hluta tímabils, sérstaklega á svona lélegu gervigrasi. Það verður hægt á næsta ári, við búnir að kyngja því að lið komist upp með það og þau græða klárlega á því gegn liðum, sem hafa ekki aðstöðu til gervigrassæfinga. Vorum svipað lélegir gegn Berserkjum, en þeir voru greinilega mun betra lið, vorum mun lélegri á eigin mælikvarða í gær.
Held ég sé kominn upp í á 2. tug skýringa, það ætti að duga til að útskýra fyrir lesendum, sem nenna ekki að lesa allan fyrri pistilinn, að þetta snerist ekki bara um gervigras, nefndi það líka næstsíðast þar.

Hvað hafa Vængirnir unnið marga leiki á grasi í sumar???

Voðalega eru þið sárir að hafa tapað. Sættið ykkur við það að þið töpuðuð. Gervigras eða ekki gervigras.