Þá er komið að 2. keppninni okkar í úrslitum 3. deildar. Þetta árið náðum við sama árangri og í deild árið áður, enduðum í 2. sæti með 9 sigra, eitt jafntefli og 2 töp, 39 mörk skoruð, 13 gegn okkur og höfðum bætt vörnina ár frá ári frá 1998, þegar K. F. S. lék fyrst undir sameinuðum merkjum. Við vorum á eftir Njarðvík, á undan Reyni S., máttum tapa með 2 marka mun í Sandgerði í síðasta leik, töpuðum 2:1, Árborg, Ægi, G. G. og Í. H.
Þetta ár mættum við Fjarðabyggð heima aftur(Þróttur N. árið áður), nú 25. ágúst. Róbert Haraldsson, sem átti eftir að mæta okkur í 2. deild með K. S. seinna, kom þeim yfir í fyrri hálfleik. Við beittum skyndiupphlaupum, sem gengu vel, þó án marks. Í seinni hálfleik bökkuðu þeir mjög, við gengum á lagið og Óðinn Steinsson skoraði úr 2 vítum, það seinna sérstaklega glæsilegt. Yngvi Borgþórsson gulltryggði svo sigurinn með glæsilegu skallamarki á 85. mín.
Assane 10; Lúðvík 8, Jóhann Sveinn 10, Heimir fyrirliði 10, gult(Rúnar 9), Óðinn St. 10(Valli 10); Pétur Run. 10(Gísli Geir 8), Stefán Braga. 10, gult, Yngvi 10, Tommi Reynis 10(Kári Hrafnkels. 10); Sindri 10 og Maggi Steindórs. 10.
Í þennan leik vantaði Ganna, Einar Björn og Elías Inga Björgvins. Maggi Steindórs. var kóngurinn þetta árið með 16 mörk í 16 leikjum, næstmarkahæstur á eftir Arnari Guðjónssyni, Barðaströnd.
Þetta leit því mun betur út fyrir seinni leikinn en 1. árið, höfðum greinilega lært okkar lexíu.