Því er við þetta að bæta, að við erum líka með mesta markamuninn í mfl. karla á Íslandsmóti í ár, eða 27 mörk í 9 leikjum. Þvílíkt og annað eins! Hvað ætli Bjarninho(Fel.)/mottan hafi um það að segja á u-tube?

Hvergi gert lítið úr þætti hans, þvert á móti margbúið að lofa hans frammistöðu hér og þar og þakka honum fyrir. mjög áberandi í leikskrá t. d. og umfjöllun um hann sem leikmann vikunnar. Alveg rétt með þátt þeirra í stöðunni, þeir skópu líka óbeint mikla samkeppni, sem hefur heldur betur skilað sér. Merkilegt hvað sumir eru neikvæðir og lesa alltaf það neikvæða úr hlutunum. Hér var verið að lofa það, að hinir gátu tekið upp merkið eftir fráhvarf Egils, það segir alls ekkert neikvætt um hann. Það stendur m. a. s.: ,,Ég hélt, að fráhvarf Egils til ÍBV í hálfleik í gær myndi veikja liðið." Fyrst að Óli neitar að skilja þetta, þýðir þetta, að þar sem ég tel Egil hafa verið mjög mikilvægan hélt ég að liðið myndi veikjast án hans. Það hefur það ekki gert og segir einfaldlega, að liðinu heldur áfram að fara fram, en ekkert um að Egill hafi ekki gert það gott fyrir okkur. Vona, að þetta sé nógu skýrt. Sama á við um Anton, svo að menn snúi ekki út úr því líka.
Við misstum líka Kidda Bald. og Hlyn í upphafi móts, þótt þeir hafi gert það gott fyrir okkur, höfum við samt bætt okkur. Sama gildir um þessa leikmenn, þeir gerðu það gott fyrir okkur í fyrra. Loks misstum við Sigurð Inga, þótt við höfum bætt okkur verulega án hans, þýðir það ekki að hann hafi ekki gert frábæra hluti fyrir okkur, hann gerði það. Vona, að þetta sé nógu skýrt fyrir alla, sem vilja snúa út úr og vera neikvæðir.

Takk fyrir það, var að tala um Birki Hlyns., en ekki Hlyn. Annars flokks strákurinn Kjartan Guðjónsson hefur líka reynst okkur mjög vel og fallið mjög vel inn í þennan hóp. Samstarfið við 2. flokk er því líka að halda mönnum á tánum og hjálpa okkur og árangurinn lætur ekki á sér standa. Fleiri þaðan hafa komið lauslega inn. Erum að vinna í að fá staðfestan leik kl. 18, en ekki 20 við Augnablik næsta miðvikudag, þeir biðja líka um þá tímasetningu. Leikurinn verður líklega á Týsvellinum.
Auðvitað er meiningin að þessir peyjar hafi líka gott af því að spila með okkur, ég tel, að allir græði á þessu samstarfi. Ég held, að það sé vandufundinn betri knattspyrnuskóli fyrir unga menn en að spila með reynsluboltunum okkar, sem eru nokkrir þetta sumarið, allir að blómstra. Ég sé ekki betur en að ungu mennirnir hafi allir bætt sig í sumar, væntanlega nýtist það ÍBV fyrr eða síðar, beint eða óbeint.
Takk fyrir sýndan áhuga og stuðning, gaman að heyra að við gleðjum einhverja fleiri en bara sjálfa okkur. Flestir af okkar fyrri leikmönnum skila sér til baka og hafa sagt að það sé m. a. af því að við kveðjum þá vel, þannig að þetta kom mér talsvert í opna skjöldu, margt má gagnrýna, en við erum að reyna að byggja á jákvæðninni hans Óla Stef. þetta sumarið. Við lærðum mjög margt í vor og höfum nýtt okkur það vel í sumar. Ég átti allan tímann von á, að Anton og Egill færu u. þ. b. sem þeir fóru og hafði reynt að undirbúa það eins vel og hægt var. Það var erfiðara en margt annað, en ég er að vona, að þetta blessist allt. Þeir höfðu spilað mikið lykilhlutverk, skorað manna mest o. s. frv. og það varð að halda hinum, sem tækju við, við efnið. Það virðist sem betur fer hafa tekist, liðið átti tvímælalaust sinn besta leik í síðasta leik, á Hvolsvelli, a.m. k. séð með augum þjálfarans. Styrkurinn liggur mest í liðsheildinni, þessir peyjar virðast tilbúnir í leikjum að gera hvað sem er fyrir hvern annan á vellinum, þannig bætum við upp þann skort, sem kannske er á öðru. Þeir hafa þjálfunarlega ekki enn átt slæman leik í sumar, við höfum 20 manna kjarna, sem kann nokkur hlutverk hver í leikkerfinu okkar, nýir menn hafa verið vígðir rólega inn. Auðvitað eru þetta svo góðir leikmenn, annars værum við ekki þar sem við erum. Þetta er hins vegar ekki komið, svo að frekari væntingar bíða, alltaf best að láta verkin tala, þau eru ekki alltaf í samræmi við hugmyndir manna.