mæti

mæti

mæti

Agalega þroskað svar frá fullmenntuðum þjálfara og lækni.

Ég er búinn að vera veikur og að læra undir lokapróf, og mætti þess vegna ekki á æfingu í gær.
Hvað máli skiptir það að ég mæti ekki á réttum tíma? Kemur það málinu eitthvað við? Ekki á ég að sjá um boltana, þannig að það ætti ekki að skipta neinu máli.

Svo er það ekkert bara í þetta eina skipti, þar sem ég gæti talið það á báðum höndum hversu oft ég hef mætt á KFS æfingu þar sem boltarnir eru sparkhæfir.

Ég er að borga fyrir það að mæta á æfingar, og spila, þannig að ég rétt ræð hvort eða hvenær ég mæti. Og þar sem ég borga fyrir það að æfa með þessum klúbbi, þá eru sparkhæfir boltar það minnsta sem maður biður um.

Virkilega kómískt að fá svona svar frá þjálfaranum sínum. Það er ekki eins og ég hafi skrifað eitthvað skelfilegt hérna inn á.

Hlakka til að fá svar við þessu, og hvort ég fái annað svona skemmtilegt skot á mig.

já ég mæti

Erum líka að vinna í því að fá nýja bolta, ekkert sérlega ánægður heldur með þetta, en við höfum ekki séð um boltana mikið oftar en 10 sinnum í vetur, gert var átak í boltum 2. flokks eftir kvartanir á enn einni æfingunni í vetur. Þeir, sem eru í Reykjavík verða að axla ábyrgð á boltum þar, ekki finnst neinn launalaus þjálfari þar til að sjá um boltana. Þeir geta rætt við okkur Óðin um hugsanlegar betrumbætur á þeim málum. Trausti staðfestir að hann sé að vinna í pumpumálum, því að okkur er líka ofboðið með þetta endalausa pump án mikils árangurs.
Það er mjög óþægilegt, þegar menn mæta of seint á fundi eða æfingar, í gær mættu 6 of seint, svo að ekki var hægt að skipta strax í lið, en þá var búið að ath. með pumpuna, enda mætti ég 10 mín. fyrir æfingu eins og oftast. Það er vont fyrir liðsheildina, að geta ekki hitað upp saman o.s.frv. Æfingarnar tefjast, þessi í gær var t.d. 40 mín. lengur en til stóð, svo líklega leiddist mönnum ekki mikið. Vil svo segja Einari til hróss að hann hefur mætt betur en flestir í leiki vorsins og vona, að hann staðfesti hér, að hann komi í leikinn á sunnudag. Það skiptir enn meira máli en boltar og mæting á réttum tíma.
Svarið var í stíl við það, sem það átti að svara og endurspeglar upphaflegu skrifin. Þar var fúll þjálfari að svara fúlum leikmanni og fúll læknir, að svara fúlum leikmanni, að útskýra hvaða áhrif það hefur á störf hans og áhugamál/að pumpa í bolta fyrir æfingar t.d., að aðrir vinni ekki vinnuna sína skipulega og tímanlega. Þessi náungi er líka leikmaður á æfingum og ekki hrifinn af ,,hræðilegum boltum."
Það er alls ekki rétt sálfræði að svara alltaf þroskað eða í stíl við menntun sína, þótt það sé oft gott. Í þessu tilviki var nánast verið að biðja um ,,óþroskað svar", sem þó sagði nánast það, sem skipti máli. Hvaða kröfur eru á athugasemdum frá leikmönnum með minni menntun? Mega þeir leyfa sér meira en menntaðri menn vegna minni menntunar sinnar? Þroski felst ekki bara í menntun. Hvenær borgar sig að þegja frekar en láta í ljósi óánægju sína? Mér finnst ekki mjög gaman að pumpa í bolta endalaust fyrir æfingar og er ekki á launum við það. Ég sé ekki að neinn eigi kröfu á launalausan mann, þótt sá fyrri borgi félagsgjöld, sem renna til félags viðkomandi boltaumsjónarmanns/þjálfara. Það má þó líkja því við að gera kröfur á launalausa leikmenn, tala nú ekki um þá, sem borga félagsgjöld, svo menn verða bara að virða hvorn annan. Ég vil boltamálin í betra horf og verið er að vinna í þessu og er tilbúinn að sjá um að koma með betri bolta á æfingar, ekki af því að e-r eigi kröfu á það, heldur af því, að ég vilji nota minn frítíma í það.

Herjólfur 7.30 og heim um kvöldið. Óðinn að ath. með bíl, upppantað þar og spurning hvort við verðum að skipuleggja það betur í framhaldinu, fyrst við erum byrjaðir á betrumbótum. Virðist upppantað löngu fyrr en áður hefur þekkst. Enn að bíða eftir svari frá KSÍ um að breyta leik frá 16/6 til 14/5, KFR egar samþykkt það. Önnur uimferð Bikarsins 8/5, ef við klárum Álftanes. Geta ekki spilað á grasvellinum, verið að leita að velli, þar sem leikur byrjaði á bilinu 13-15, hér gæti orðið framlenging. Bara 3 skiptingar leyfðar, veit ekki hvað við förum með marga, vil helst ekki sitja uppi með 2 fúla varamenn, sem ekki spila, 5 leyfðir. Verður væntanlega gervigras, læt vita um leið og þetta skýrist.

Sælir félagar.
Langar aðeins að standa með þjálfaranum (lækninum) í þessu máli. Einsog hann bendir á er hann ekki á launum, einungis áhugaþjálfari, þannig að það er kannski ekki alveg hægt að gera þær kröfur að allt sé tipptopp í kringum liðið, menn verða að gera sér grein fyrir því að þetta er áhugamennska, ekki atvinnumennska. Skora á þjálfarann að skipa Einar sem sérstakann boltatemjara, sjá um að boltar séu í lagi á æfingum !!! Skora líka á Einar að sýna æfingafélögunum og þjálfaranum þá virðingu að mæta á réttum tíma á æfingar. Ef menn gera kröfur verða menn líka að skila sínu. Vona að menn leysi þetta innan liðsins, oft betra að ræða hlutina innan hópsins í staðin fyrir að setja þetta á netið.

Ekkert mál Einar minn. Bara benda á að það þarf oft að líta í eiginn barm áður en menn fara að gagnrýna aðra. Skil þig vel að vera fúll ef boltar eru ekki í lagi, en, einsog ég skrifaði áðan, þá er þetta áhugamál allra, þannig að menn verða að skoða málin útfrá því. En varðandi mætingu, þá er ég á þeirri skoðun að ef menn leggja það í vana sinn að mæta of seint á æfingar, þá er betra að sleppa því að mæta (hef alltaf verið þeirrar skoðunar (þessu er ekki beint að þér Einar)).