Frábær sigur gegn góðu liði Álftaness, sem er í betra standi en við og með fáa veikleika. Klókindi og beittur sóknarleikur skiluðu okkur áfram í 2. umferð, mætum Árborg heima 8. maí nk.
Fyrri hálfleikur var jafn, þeir þó meira með boltann. Gauti var nefbrotinn um miðjan hálfleikinn af grófum leikmanni, sem reyndi 2var í leiknum að kýla Gauta. Gauti harkaði af sér með skurð og rammskakkt nefið, fékk víti á 40. mín. og skoraði örugglega sjálfur. Við lögðum upp með að halda þeirra aðalmanni Andra Janussyni niðri og það tókst allan leikinn. Í s.h. vildi ég sjá þá fjúka út af, við myndum halda haus og láta þá og þjálfarann þeirra æsa sig enn meira. Tveir þeirra höfðu fengið gult, einn hjá okkur. Þetta tókst, þeir fengu rautt eftir 69 mín. Þeir fengu svo sjálfsmark á sig á 89. mín. af varamanni þeirra, en Birkir eignar sér markið. Á 91. fengu þeir svo annað rautt og flautað af stuttu seinna af mjög góðum dómara. Frábær sigur, stoltur af ykkur, peyjar, margir lagt hart að sér að undanförnu og menn virkilega tekið sig saman í andlitinu eftir 4 töp um daginn.
Fannar 10, frábær í byrjunm, lítið að gera eftir það; Hannes 10, aftur frábær, Gaui 8, Smári 8, Adólf 8(Steinar 8, gult); Ingó 9, Birkir 9 út á markið, Hilmar 8, Toni 9(Gústi 7), mjög góður; Bjöggi 8(Siffi 7) og Gauti 10, gult.
Takk fyrir frábæran sigur, og takk David, Álftanesi, fyrir góða samvinnu í vallarmálum.

Óska ykkur til hamingju með sigurinn og óska ykkur góðs gengis í bikarnum gegn Árborgurum. vil hrósa markverði ykkar sérstakelga fyrir framúrskarandi frammistöðu og ykkur fyrir vel skipulagðan leik. Okkar mönnum fannst dómarinn helst til gefa ódýr gul spjöld á báða bóga þrátt fyrir að seinni gulu spjöldin á leikmenn okkar hafi verið fullkomlega rétt. Það er alltaf gaman að spila við KFS og vonum við að ykkur gangi sem best í sumar. Kv frá Nesinu

P.s. Birkir, þú færð ekki mark skráð nema þú skorir það sjálfur, átt ekki að þurfa láta varnamann gera vekrið fyrir þig. Sjáumst uppá öld við tækifæri.

Fannar skuldlaust maður leiksins, frábær í alla staði í dag.