Takk fyrir þetta, peyjar, listinn tæmdist í gærkveldi og dag eftir að menn lásu ömurlega lesningu hér að neðan með dæmigerðum svörum þeirra, sem ekki borga. Til fróðleiks bendi ég ykkur á heimasíðu Augnabliks, sem hægt er að klikka á undir ,,tímabilið 2009", þar getið þið séð hvað menn eru að borga þar núna. Dufþaksmenn hafa sagt okkur að þeir borga mun meira en við og ég borga talsvert mikið meira til ÍBV í æfingagjöld fdóttur minna.
Til útskýringar fyrir þá, sem halda að illa sé verið að fara með þá, þykir mér ástæða til að taka fram, að við rukkum ekki lánsmenn frá ÍBV. Ástæðan er einföld, ÍBV stendur við samninga við þá(við þurfum þess þá ekki), þótt þeir séu í láni og því óverjanlegt fyrir okkur að fara að rukka þá. Lánsmennirnir í vor, Toni og Egill, sönnuðu okkur rækilega gildi lánssamninganna, komu okkur á fljúgandi start og sjálfstraust. Vona, að þetta dugi sem skýringar, fátt eins leiðinlegt og að rífast um fjármál.