Einu sinni enn unnum við leik þar sem andstæðingarnir voru betri sbr. umsögn þeirra: ,,Ægismenn lentu snemma undir en komust síðan í 1:3 með mörkum frá Vincent, Eyþóri og Milan og voru talsvert betri aðilinn í leiknum. Með þessa forustu fengu síðan okkar menn fjölda færa til að ganga frá leiknum en náðu ekki að pota boltanum yfir línun. Gegn gangi leiksins minkuðu heimamenn síðan muninn og staðan 2:3 í hálfleik.
Í síðar hálfleik voru Ægismenn áfram meira með boltann en í staðin fyrir að bæta gefum við KFS mark á silfurfati og staðan 3:3. Eftir þetta sækja heimamenn í sig veðrið og komast í 5:3 en það var síðan Matti sem minkaði muninn og niðurstaðan 5:4 fyrir KFS."
Þurfum greinilega að flengja þá í seinni leiknum til að sýna þeim hvort liðið er betra.
Mikið gríðarlega hljótum við að vera klókir fyrst við erum alltaf lélegra liðið, þegar við vinnum. Minnir mig á spaugilegustu ummæli, sem ég hef heyrt, við höfðum afgreitt Hamar 6:0 á Helgafellsvelli og óðum í færum eins og í leiknum gegn Ægi. Skutlaði 3 þeirra upp á flugvöll og á leiðinni hlustaði ég á 2 þeirra tala um hvað þeir hefðu verið óheppnir!!!!! Ég leit við til að sjá hvort þeim væri alvara og þeim var fúlasta alvara!
Ljóst að við unnum mikið afrek í gær, vorum 1:3 undir, jöfnuðum 3:3 gegn gangi leiksins og sóttum svo í okkur veðrið og gerðum 5:3. Hvernig verður þetta, þegar veðrið leikur við okkur allan leikinn?
Ég get varla beðið eftir seinni leiknum.