Fyrri hálfleikur var þokkalegur af beggja hálfu, við áttum 7 dauðafæri, þeir 4, Kolli reddaði 2var meistaralega. Úr 8. færinu skoraði svo Ívar Róbertsson eftir sendingu frá Trausta.
Seinni hálfleikurinn var risminni af beggja hálfu, við reyndum að halda fengnum hlut, þeir fengu 2 dauðafæri og skoruðu þegar 5 mín. voru eftir, mjög svipað klafsmark og við gerðum. Það við sat, líklega sanngjörn úrslit.
Víðir komst svo einn inn fyrir á lokamínútunni með Cantona og því miður gaf Víðir á Cantona, sem skoraði, rangstæður. Klaufalegt, en flott sókn annars. Þar slapp Þróttur með skrekkinn.
Bara vel sáttur við þetta, erfitt að halda haus komnir í úrslitin og eftir þjóðhátíð. Völlurinn hjálpaði ekki liðunum, en Þróttarar bæta úr því fljótlega. Þökkum þeim fyrir góða leikskrá, í 2. skipti á 17 árum, sem ég sé leikskrá hjá andstæðingunum, hitt skiptið var í Ólafsvík 1993.
Álftanes næst, 1. sætið ekki alveg í höfn, jafntefli þar dugar.
Kolbeinn 10; Jónatan 8(flottur fyrri hálfleikur), Davíð 9, gult, Adólf 9, Andri 9(flottur seinni hálfleikur); Trausti 8(margar góðar sendingar framan af þó)(Víðir 8), Stebbi Br. 10, kjölfestan í dag með Kolla, Doddi 8(völlurinn truflaði hann meira en aðra), Ívar 9, gott mark, Stefán Björn 9, mjög duglegur(Viktor 8, flottar sendingar, en vantar meiri baráttu); Sæþór 8(Cantona 8). Bið Fannar enn afsökunar, þekki hann ekki nógu vel sem leikmann til að treysta honum inn á í svona járnaleik. Það var gott að hafa hann sem aðstoðarþjálfara hins vegar.
Dómararnir voru mjög góðir, reyndar vörðu Þróttararnir með hendinni á línu einu sinni og sluppu þar líka með skrekkinn. Man ekki eftir áður að hafa ekki fengið heimadómgæslu á Suðurnesjum, heimur batnandi fer.
Áhorfendur voru líflegir, en auðvitað svekktir, þarna fór líflína Þróttar í okkar hendur, gegn Álftanesi. Við munum mæta með sterkari sveit þar, fáum 2. flokkspeyjana loksins inn, loksins verða þeir ekki að spila á sama tíma í lykilleik hjá okkur.
Þið getið verið stoltir, peyjar, eftir frábært sumar, bíð spenntur eftir hvað Fréttir segja núna, sögðu ekki orð eftir 13:0 sigur okkar í síðasta blaði, kannske þær finni að jafnteflinu eins og gegn K. F. R. heima, ótrúleg neikvæðni gagnvart okkur á okkar besta sumri a. m. k. frá 2002. Ég veit sem þjálfari að það er ekkert smáafrek að spila 14 deildaleiki í röð án taps, það þarf mikla, mikla seiglu í það. Þetta er frábær hópur.

Er meiddur og mæti ekki á næstu æfingu/-ar.

A-liðið gerði gott 1-1 jafntefli, en B-liðið steinlá 6-0.

A-liðið á svo annan leik í dag á móti KA.