Frábær leikur hjá fallkandidötunum gegn toppkandidötunum í dag. Öruggur sigur með öflugum leik. Jafnt framan af, tókum svo öll völd á vellinum, Davíð Þorleifsson skoraði úr horni á 45. mín. eftir frábært horn Einars Kára. Slingerinn hafði þá kllúðrað maður á móti markmanni dauðafæri. Yfirburðirnir héldu svo áfram í upphafi s.h. og Slingerinn bætti fyrir mistökin og skoraði yfir markmanninn á 49. mín. Arilíur Marteinsson minnkaði svo af harðfylgi á 65. mín. og leikurinn hafði jafnast aftur. Aftur urðum við sterkari og bættum við 3:1 með því að sundurspila Ægisliðið allan völlinn, en mark Slingers var ranglega dæmt af vegna meintrar rangstöðu. Það sáu áhorfendur í beinni línu greinilega, sjálfur Tryggvi Guðmundsson vottar það. Í millitíðinni hafði Gunnar Marteinsson fengið rautt fyrir að taka Slingerinn niður fremstan. Leikurinn endaði því 2:1, fátt um hættuleg færi Ægismanna og átti satt að segja von á meiru frá þeim. Þeir munu hins vegar örugglega verða betri í seinni leiknum, svo stígum varlega til jarðar.
Frábær frammistaða peyjar, næst er liðið, sem spáð er efsta sætinu, þetta var það næstefsta, svo mótstaðan verður væntanlega meiri.
Við erum ekki búnir að afsanna spárnar, einn leikur dugar ekki til þess.
Halldór; Hilmar vakti mesta hrinfingu mína þennan daginn, gult, Davíð Þ líka frábær, Stefán fyrirliði einnig frábær, Hannes líka(Trausti); Friðrik, Davíð E, gult, Guðjón (Bjarni Rúnar með flotta innkomu), Gauti eitraður, Einar með flottar sendingar(Richard); Slinger gerði sitt og vel það(Þorleifur, gult).
Flestir með toppeinkun gegn þessu öfluga sóknarliði, Ægi.

Sá að þetta var aldrei rangstaða á Sæþór, fáránlegt af línuverðinum að flagga þetta!
Flottur leikur hjá ykkur peyjar, verð samt að henda motm á Davíð Þ, virkilega flottur leikur hjá honum!