Lögðum mikið í þennan leik gegn 2. deildarliði Víðis á útivelli, tapað 2:0 og 6;1 þarna áður minnir mig. Í þetta sinn vorum við betri aðilinn í fyrri hálfleik, en sterkari varamenn hjá þeim kláruðu seinni hálfleikinn, eftir að Trausti kom okkur yfir úr öruggu víti á 49. mín. Þeir jöfnuðu á 64. mín. og skoruðu aftur á 70. mín. Við lélegri á þessum kafla, náðum okkur aðeins á strik í lokin, en líklega var þetta verðskuldaður sigur, þótt við hefðum getað skorað í fyrri hálfleik, fengum færin, en vorum ekki alveg á tánum. Ég bjóst við þreytu í 4. leiknum á 11 dögum með svipaðan 13 manna kjarna, en bjóst við þeim enn þreyttari eftir erfiða ferð á Siglufjörð fyrradag. Planið tókst í fyrri hálfleik, nema þegar komið var að markinu. Menn voru að gefa allt sitt og ég þakka mönnum fyrir góða baráttu og dugnað. Við stöndum nær getu 2. deildarliða en í mörg ár, en verðum áfram að bæta okkur, kjarninn okkar verður æ sterkari.
Kolli átti góðan leik í markinu(Hannes, takk fyrir að koma); Hilmar mjög góður, áður en meiðsli tóku sig upp eftir 75 mín., Sindri gult og Davíð mjög góðir, Adólf einnig; Trausti fyrirliði óx í leiknum og skoraði gott mark, Stebbi Braga. nokkuð góður framan af(Tanni náði ekki takti, en gerir örugglega betur næst), Egill spilaði hálflasinn og náði ekki toppleik, Ívar var langþreyttur, en stóð sig vel framan af(Kjartan fann ekki taktinn), Toni reyndist hinum erfiður, síógnandi, en klúðraði dauðafæri; Stefán Björn var ótrúlega duglegur í sínum 1. leik í vor í fjarveru meidds Sæþórs(Fannar fann ekki taktinn). Svenna er þakkað fyrir að koma og vera á bekknum.
Um margt ánægður með þennan leik, við nálgumst 2. deild æ meir og svekkjum okkur ekki meira á þessu, ekki skrýtið, að þreyta kæmi fram í 4.leik á 11 dögym. Árangurinn 2 sigrar í deild og einn í Bikar.
Gaman að mæta Steinar félaga mínum hjá Víði aftur og þökkum Víði drengilegan leik og góðar móttökur. Dómgæslan var sú besta, sem ég hef séð á Suðurnesjum í leik með okkur, í ófáum leikjum.
Næsta æfing kl. 18 á miðvikudag á Helgafellsvelli.