Byrjuðum þennan leik af krafti og Ingólfur kom okkur í 0:1 e. 4 mín., e. frábæra stoðsendingu Fannars. Hilmar átti síðan hörkuskalla í slá, sem var reyndar varinn. Goran Lukic jafnaði svo eftir 26 mín. úr frísparki, einu sinni enn átti andstæðingurinn draumafríspark gegn okkur. Við náðum okkur svo aftur á strik rétt fyhri hálfleik, en vorum ekki ánægðir. Hannes þurfti að fara út af vegna meiðsla, og Stebbi var færður í vörnina.
Ingó fékk svo víti, en Trausta brást bogalistin aldrei þessu vant. Sjálfstraustið hafði reyndar verið dregið niður af samherja hans, en vítaskyttur voru tilkynntar á fundi fyrir leikinn. Kjartan bætti um betur stuttu seinna, en þeir tóku þá góða rispu og gerðu 2 mörk, fyrst eftir mistök markmanns okkar og svo úr föstu leikatriði. Gauti kom svo með góða fyrirgjöf í leikslok, endaði með góðu marki Hilmars, sem bjargaði þar með stigi fyrir okkur.
Slæmt símtal daginn fyrir leik frá leikmanni sló mig of mikið út af laginu, hef áður rakið að árangur á útivelli byggist á að menn fórni sér í þá leiki, þótt þeir missi af e-u í staðinn. Þakka hinum fyrir að gefa sig í þetta, en kjarninn er áfram of lítill. Davíð Þ lék þarna sinn síðasta leik í sumar, mikill missir þar, jafnbesti leikmaður okkar í vor, en takk fyrir það Davíð og góða ferð.
Fannar verður betri næst; Trausti fyrirliði líka, Hilmar bjargaði stigi, en átti brotið í frísparkinu þeirra, sem varð að marki, Davíð Þ, Hannes(Geiri náði ekki að lyfta liðinu); Frikki verður betri næst, Stebbi mjög góður(Víðir kom of seint inn líklega, en jöfnuðum reyndar e. innkomuna), Kjartan duglegur að skora, Gauti, Ingó sprækur sóknarlega; Slinger ólíkur sjálfum sér(Viktor breytti því miður litlu).
Varnarleikurinn almennt lélegur, til fremsta manns, skárstur aftast, of fáar hugmyndir sóknarlega, en mörkin góð. Davíð, Stefán, Hilmar og Ingó þeir einu, sem léku af eðlilegri getu, það er allt of fáir.
Tel mig vita hvað ég get gert betur næst, mun betri leik þarf þá til að ná í stig. Meiri gleði þarf í þann leik.