Ágæti viðtakandi

Með þessum pósti langar mig til að vekja athygli á nýju riti sem nú er komið út. Ritið er Holl næring knattspyrnumanna og fjallar um næringu þeirra sem stunda knattspyrnu hvort sem það er til heilsubótar eða í þeim tilgangi að keppa og að ná árangri. Þetta er 28 bls. rit um mataræði sem hentar knattspyrnumönnum! Ritið getur nýst knattspyrnumönnum á öllum aldri, á öllum getustigum og er sett upp með þeim hætti að auðvelt er að skilja.

Ritið er skrifað og sett upp af undirrituðum og inniheldur upplýsingar um hollt og gott mataræði almennt séð, hollt og æskilegt mataræði fyrir æfingu og leik, á meðan á æfingu og leik stendur og eftir æfingu eða leik. Í ritinu er kafli um mataræði almennt, mataræði í kringum æfingar og leiki, mataræði í kringum heildags fótboltamót og „túrneringar“. Þá er einnig kafli um fæðubótarefni, en sífellt algengara er að ungum knattspyrnuiðkendum eru boðin til kaups hin og þessi fæðubótarefni. Sum fæðubótarefni geta hjálpað ákveðnum íþróttamönnum en önnur eru alger óþarfi og til eru dæmi þar sem íþróttamenn hafa hlotið skaða í kjölfar neyslu þessara efna. Því eru upplýsingar, eins og finna má í ritinu um þessi efni, mikilvægar fyrir alla þjálfara og íþróttafélög.

Mig langar til að bjóða ykkur að kaupa ritið á góðum kjörum og við bætist afsláttur sé keyptur ákveðinn fjöldi eintaka. Verðin eru sem hér segir:

a. 1-10 stk. – kr. 995 pr. stk. plús 200 kr. sendingakostnaður pr. stk.

b. 11-20 stk. – kr. 895 pr. stk. plús 1500 kr. sendingakostnaður. Öll ritin send á sama heimilisfang.

c. 21-40 stk. – kr. 795 pr. stk. plús 2000 kr. sendingakostnaður. Öll ritin send á sama heimilisfang.

d. 41+ stk. – vinsamlegast hafið samband varðandi verð.

Vinsamlegast hafið samband ef áhugi er á ritinu. Sýnishorn má sjá á www.facebook.com/Fotboltamatur. Nánari upplýsingar má einnig finna á www.fotboltamatur.com.

Fótboltakveðjur,
Steinar B. Aðalbjörnsson
Íþróttakennari og næringarfræðingur, M.Sc.
Stundakennari í íþróttafræðum við Háskólann í Reykjavík.